Mac Amhlaoibh, Brian
Tue, 11/29/2011 - 15:41 | by Eoghan
Brian Mac Amhlaoibh (Cnuasach Leabharlann Acadamh Ríoga na hÉireann)
Comhlánaíodh foirm eolais phearsanta (‘Personalbogen’) do gach cainteoir ag seisiúin taifeadta Scéim Doegen 1928-31. Is as na foirmeacha sin go príomha atá an t-eolas seo thíos bainte.
Grianghraif
Brian Mac Amhlaoibh (Cnuasach Leabharlann Acadamh Ríoga na hÉireann)
Nóta beathaisnéise
Mac Amhlaoibh (McAuley, McAulay), Brian (Barney Bhriain, The 'Bhréin') (1850-1941): I mBaile Éamoinn, contae Aontroma, a rugadh é i mí an Mheithimh 1850. Brian Mac Amhlaoibh ab ainm dá athair freisin. Bhog sé go Gleann Aireamh sula raibh sé sé bliana d'aois, agus is ansin a chuaigh sé ar scoil. Feirmeoir ab ea é ach chaith sé aon bhliain déag ag obair mar mhairnéalach sa loingeas trádála. Phós sé Elizabeth Black ó Legdrina (Lag Droighneach?) ar 30 Samhain 1886. Is cosúil go raibh triúr mac acu, Pádraig, Séamas agus Dónall, agus bhí aithne orthusan mar Ghaeilgeoirí chomh maith. Fuair Brian bás in Clonreagh (Cluain Riabhach?), Gleann Aireamh, ar an 8 Márta 1941, agus tá sé curtha i nGleann Aireamh. Don ábhar béaloidis a bailíodh uaidh féach, mar shampla, Seosamh Watson, 'Séamus Ó Duilearga's Antrim Notebooks – I: Texts', Zeitschrift fuer celtische Philologie 40 (1984), 74-117, agus Seosamh Watson, 'Séamus Ó Duilearga's Co. Antrim Notebooks', Éigse 20 (1984), 187-211. Tá cuid mhór eolais faoi Bhrian Mac Amhlaoibh agus faoina mhuintir uilig cruinnithe ag an Dr Ciarán Ó Duibhín ar http://www.smo.uhi.ac.uk/~oduibhin/doegen/. Gheofar tagairtí breise ansin freisin maidir leis an ábhar béaloidis a bailíodh uaidh.
Foirm Eolais Phearsanta ('Personalbogen')
Comhlánaíodh foirm eolais phearsanta (‘Personalbogen’) do gach cainteoir ag seisiúin taifeadta Scéim Doegen 1928-31. Is as na foirmeacha sin go príomha atá an t-eolas seo thíos bainte. | Gnéas | Fireann |
|---|---|
| Foirm(eacha) Personalbogen a bhaineann leis an gcainteoir seo (Tagairt Leabharlann an RIA) | Doegen P-B/62, Doegen P-B/64, Doegen P-B/65 |
| Ceirníní a bhaineann leis an gcainteoir seo | LA 1202 I, LA 1203, LA 1204 |
| Teidil na rianta a bhaineann leis an gcainteoir seo | An mac scaiptheach - Brian Mac Amhlaoibh Oisín i ndiaidh na Féinne - Brian Mac Amhlaoibh Cogadh na ngaiscíoch (cuid 1) - Brian Mac Amhlaoibh Cogadh na ngaiscíoch (cuid 2) - Brian Mac Amhlaoibh |
| Rian(ta) a bhaineann leis an gcainteoir seo (Leagan Úsáideora) | LA_1202d1, LA_1203d1, LA_1203d2, LA_1204d1 |
| Céadainm (Canónta) | Brian |
| Sloinne (Canónta) | Mac Amhlaoibh |
| Leagan(acha) eile den chéadainm | Bernard (Senior) |
| Leagan(acha) eile den sloinne |
|
| Contae dúchais | Co. Aontroma |
| Seoladh | Cluain Riabhach (?), Gleann Aireamh, Co. Aontroma |
| Aois | 81 |
| Dáta breithe | 1850-06 |
| Áit bhreithe | Ballyeman (?), Bun Abhann Dalla, Co. Aontroma |
| Baile mór is gaire don áit bhreithe | An Baile Meánach, Co. Aontroma |
| Áit(eanna) ina raibh cónaí air/uirthi ó aois 0-6 | Ballyeman (?), Co. Aontroma; Gleann Aireamh, Co. Aontroma |
| Áit(eanna) ina raibh cónaí air/uirthi ó aois 7-20 | Gleann Aireamh, Co. Aontroma |
| Áit(eanna) ina raibh cónaí air/uirthi ó aois 20 | Gleann Aireamh, Co. Aontroma |
| Oideachas | Bunscoil, Gleann Aireamh, Co. Aontroma |
| Áit dúchais an athar | Gleann Aireamh, Co. Aontroma |
| Áit dúchais na máthar | Gleann Aireamh, Co. Aontroma |
| Slí bheatha an athar | Feirmeoir |
| Náisiúntacht | Éireannach |
| Máthairtheanga | Gaeilge agus Béarla |
| Teangacha eile seachas an Ghaeilge | Béarla |
| In ann léamh? | Tá (Béarla) |
| In ann scríobh? | Tá (Béarla) |
| In ann uirlis cheoil a sheinnt? | Níl |
| In ann ceol de chineál nua-aimseartha Eorpach a chanadh/sheinnt? | Níl |
| Reiligiún | Caitliceach |
| Slí bheatha | Feirmeoir |
| Ainmneacha ar an bhfoirm (e.g. baill d'fhochoiste an RIA) | Myles Dillon, M.A. O'Brien |
| Ráitis mar gheall ar urlabhra an chainteora srl. | "Strong voice and fairly clear, but uneven." (Myles Dillon) |
