Ó Direáin, Máirtín
Tue, 11/29/2011 - 15:39 | by Eoghan
Comhlánaíodh foirm eolais phearsanta (‘Personalbogen’) do gach cainteoir ag seisiúin taifeadta Scéim Doegen 1928-31. Is as na foirmeacha sin go príomha atá an t-eolas seo thíos bainte.
Nóta beathaisnéise
Ó Direáin (Derrane), Máirtín (Martin) (1910-88): I Sruthán, Cill Rónáin, Árainn, contae na Gaillimhe, a rugadh an file mór le rá Máirtín Ó Direáin ar an 26 Samhain 1910. Ba é Máirtín an mac ba shine a bhí ag Seán Ó Direáin agus Mairéad Ní Dhireáin. Tá taifead ar an teaghlach i ndaonáireamh 1911 [http://www.census.nationalarchives.ie/reels/nai002385636/], tráth nach raibh Máirtín ach cúig mhí d'aois. Chuaigh sé ar an mbunscoil i Scoil Náisiúnta Eoghanachta, Cill Rónáin. In aois a sheacht mbliana déag chuaigh Máirtín go cathair na Gaillimhe. Bhí sé ina chléireach in Oifig an Phoist ansin go dtí Iúil 1937. Bhog sé go Baile Átha Cliath ansin, agus bhí poist éagsúla cléireachais aige sa Státseirbhís go dtí gur éirigh sé as i 1978. Phós sé Áine Colivet ar an 4 Meán Fómhair, 1945. Bhí iníon amháin acu. Fuair sé bás ar an 19 Márta 1988. Tá an-cháil ar Mháirtín Ó Direáin mar fhile agus mar scríbhneoir, agus d'fhoilsigh sé neart scéalta próis, drámaí agus cnuasaigh filíochta le linn a shaoil. Rinneadh Comhalta d’Acadamh Liteartha na hÉireann de i 1970, bhronn Ollscoil na hÉireann DLitt oinigh air i 1977, agus bronnadh Gradam an Oireachtais air i 1981. Tá eolas breise le fáil ar Ainm.ie ag http://www.ainm.ie/Bio.aspx?ID=1662.
Foirm Eolais Phearsanta ('Personalbogen')
Comhlánaíodh foirm eolais phearsanta (‘Personalbogen’) do gach cainteoir ag seisiúin taifeadta Scéim Doegen 1928-31. Is as na foirmeacha sin go príomha atá an t-eolas seo thíos bainte. | Gnéas | Fireann |
|---|---|
| Foirm(eacha) Personalbogen a bhaineann leis an gcainteoir seo (Tagairt Leabharlann an RIA) | Doegen P-B/187 |
| Ceirníní a bhaineann leis an gcainteoir seo | LA 1156 |
| Teidil na rianta a bhaineann leis an gcainteoir seo | An fear a chaill fortún - Máirtín Ó Direáin |
| Rian(ta) a bhaineann leis an gcainteoir seo (Leagan Úsáideora) | LA_1156g1 |
| Céadainm (Canónta) | Máirtín |
| Sloinne (Canónta) | Ó Direáin |
| Leagan(acha) eile den chéadainm | Martin |
| Leagan(acha) eile den sloinne |
|
| Contae dúchais | Co. na Gaillimhe |
| Seoladh | Sruthán, Cill Rónáin, Árainn, Co. na Gaillimhe |
| Aois | 20 |
| Dáta breithe | Níl faisnéis ar fáil. |
| Áit bhreithe | Sruthán, Cill Rónáin, Co. na Gaillimhe |
| Baile mór is gaire don áit bhreithe | Gaillimh |
| Áit(eanna) ina raibh cónaí air/uirthi ó aois 0-6 | Sruthán, Cill Rónáin, Co. na Gaillimhe |
| Áit(eanna) ina raibh cónaí air/uirthi ó aois 7-20 | Sruthán, Cill Rónáin, Co. na Gaillimhe; cathair na Gaillimhe (ó aois a 17) |
| Áit(eanna) ina raibh cónaí air/uirthi ó aois 20 | Níl faisnéis ar fáil. |
| Oideachas | Bunscoil, Scoil Náisiúnta Eoghanachta, Cill Rónáin, Árainn, Co. na Gaillimhe |
| Áit dúchais an athar | Sruthán, Cill Rónáin, Árainn, Co. na Gaillimhe |
| Áit dúchais na máthar | Sruthán, Cill Rónáin, Árainn, Co. na Gaillimhe |
| Slí bheatha an athar | Feirmeoir |
| Náisiúntacht | Éireannach |
| Máthairtheanga | Gaeilge |
| Teangacha eile seachas an Ghaeilge | Béarla |
| In ann léamh? | Tá (Gaeilge agus Béarla) |
| In ann scríobh? | Tá (Gaeilge agus Béarla) |
| In ann uirlis cheoil a sheinnt? | Níl |
| In ann ceol de chineál nua-aimseartha Eorpach a chanadh/sheinnt? | Níl |
| Reiligiún | Caitliceach |
| Slí bheatha | Cléireach in oifig an phoist |
| Ainmneacha ar an bhfoirm (e.g. baill d'fhochoiste an RIA) | Tomás Ó Máille |
| Ráitis mar gheall ar urlabhra an chainteora srl. | Níl faisnéis ar fáil. |
