Ó Fathaigh, Mícheál
Tue, 11/29/2011 - 15:39 | by Eoghan
Comhlánaíodh foirm eolais phearsanta (‘Personalbogen’) do gach cainteoir ag seisiúin taifeadta Scéim Doegen 1928-31. Is as na foirmeacha sin go príomha atá an t-eolas seo thíos bainte.
Nóta beathaisnéise
Ó Fathaigh (Fahey), Mícheál (Michael) (c.1878-?): I dTamhain, Órán Mór, contae na Gaillimhe, a rugadh Mícheál Ó Fathaigh timpeall na bliana 1878. Fuair sé a chuid bunscolaíochta i Scoil Náisiúnta Thamhain. B'fheirmeoir a athair agus b'fheirmeoir é féin chomh maith. Chaith sé bliain amháin i Sasana agus bliain amháin i Meiriceá agus é ina fhear fásta. Bhí sé i gceantar Órán Mór le linn dhaonáireamh 1901 [http://www.census.nationalarchives.ie/reels/nai000806359/]. Bhí sé ina chónaí i dteach thart ar mhíle amach ó Ghaillimh nuair a bhuail an bailitheoir béaloidis Proinnsias de Búrca leis blianta ina dhiaidh sin. Théadh sé ar ais go Tamhain leis an bhfómhar a bhaint, agus d'fhilleadh sé ar Ghaillimh ina dhiaidh sin. Cuirtear síos air i ndialann an Bhúrcaigh mar fhear a bhí thart ar 60 bliain d'aois agus beagán bacach. Luaitear sa dialann freisin an t-am a chaith sé le Éamon de Valera i gColáiste Gaeilge Thamhain. Tá breis ábhar béaloidis a bailíodh uaidh ar fáil i gCnuasach Bhéaloideas Éireann, COBÁC, mar a bhfuil dialann Phroinnsias de Búrca i dtaisce freisin (CBÉ, Iml. 343, 31/7/1936; 1/8/1936).
Foirm Eolais Phearsanta ('Personalbogen')
Comhlánaíodh foirm eolais phearsanta (‘Personalbogen’) do gach cainteoir ag seisiúin taifeadta Scéim Doegen 1928-31. Is as na foirmeacha sin go príomha atá an t-eolas seo thíos bainte. | Gnéas | Fireann |
|---|---|
| Foirm(eacha) Personalbogen a bhaineann leis an gcainteoir seo (Tagairt Leabharlann an RIA) | Doegen P-B/181 |
| Ceirníní a bhaineann leis an gcainteoir seo | LA 1149 |
| Teidil na rianta a bhaineann leis an gcainteoir seo | Curaidh crua na Craoibhe Ruaidh' - Mícheál Ó Fathaigh |
| Rian(ta) a bhaineann leis an gcainteoir seo (Leagan Úsáideora) | LA_1149g1 |
| Céadainm (Canónta) | Mícheál |
| Sloinne (Canónta) | Ó Fathaigh |
| Leagan(acha) eile den chéadainm | Michael |
| Leagan(acha) eile den sloinne |
|
| Contae dúchais | Co. na Gaillimhe |
| Seoladh | Tamhain, Órán Mór, Co. na Gaillimhe |
| Aois | 52 |
| Dáta breithe | Níl faisnéis ar fáil. |
| Áit bhreithe | Tamhain, Órán Mór, Co. na Gaillimhe |
| Baile mór is gaire don áit bhreithe | Gaillimh |
| Áit(eanna) ina raibh cónaí air/uirthi ó aois 0-6 | Tamhain, Órán Mór, Co. na Gaillimhe |
| Áit(eanna) ina raibh cónaí air/uirthi ó aois 7-20 | Tamhain, Órán Mór, Co. na Gaillimhe |
| Áit(eanna) ina raibh cónaí air/uirthi ó aois 20 | Tamhain, Órán Mór, Co. na Gaillimhe, ach chaith bliain i Sasana agus bliain i Meiriceá. |
| Oideachas | Bunscoil, Scoil Náisiúnta Thamhain, Co. na Gaillimhe |
| Áit dúchais an athar | Tamhain, Órán Mór, Co. na Gaillimhe |
| Áit dúchais na máthar | Lisín an Bhealaigh, An Turlach Mór, Co. na Gaillimhe |
| Slí bheatha an athar | Feirmeoir |
| Náisiúntacht | Éireannach |
| Máthairtheanga | Gaeilge |
| Teangacha eile seachas an Ghaeilge | Níl faisnéis ar fáil. |
| In ann léamh? | Tá (Gaeilge agus Béarla) |
| In ann scríobh? | Tá (Gaeilge agus Béarla) |
| In ann uirlis cheoil a sheinnt? | Níl |
| In ann ceol de chineál nua-aimseartha Eorpach a chanadh/sheinnt? | Níl |
| Reiligiún | Caitliceach |
| Slí bheatha | Feirmeoir |
| Ainmneacha ar an bhfoirm (e.g. baill d'fhochoiste an RIA) | Tomás Ó Máille |
| Ráitis mar gheall ar urlabhra an chainteora srl. | "Speaks with considerable resonance and mouth rather close and this dims and blurs the effect." |
