Mac Meanman, Pádraig
Tue, 11/29/2011 - 15:40 | by Eoghan
Comhlánaíodh foirm eolais phearsanta (‘Personalbogen’) do gach cainteoir ag seisiúin taifeadta Scéim Doegen 1928-31. Is as na foirmeacha sin go príomha atá an t-eolas seo thíos bainte.
Nóta beathaisnéise
Mac Meanman (Mac Meanaman, MacMenamin, Mac Meanmain, McManmon, McManamon), Pádraig (Pádraic, Patrick) (1856-1946): Ar an gCeann Garbh, An Cloigeann, Baile Chruaich, contae Mhaigh Eo, a rugadh é ar an 9 Aibreán 1856. Is ansin a chónaigh sé ar feadh a shaoil. Fuair sé a chuid bunscolaíochta i Scoil Náisiúnta Dhroim Ghallach i gcontae Mhaigh Eo. Ba é an mac ba shine é ag Peadar Mac Meanaman, agus b'fheirmeoirí iad beirt. Phós sé Mary Ní Ghallchobhair in 1884. Bhí sé ina chónaí léi siúd agus lena gclann le linn dhaonáirimh 1901 [http://www.census.nationalarchives.ie/reels/nai001102474/] agus 1911 [http://www.census.nationalarchives.ie/reels/nai003034427/]. Rugadh dáréag páistí dóibh roimh 1911, ach níor mhair ach aon pháiste dhéag. Fuair sé bás ar an 9 Feabhra 1946. Tá go leor ábhar béaloidis a bailíodh uaidh ar fáil i gCnuasach Bhéaloideas Éireann, COBÁC. Tá cuid mhaith eolais faoi Phádraig Mac Meanman cruinnithe ar an suíomh Ainm.ie ag http://www.ainm.ie/Bio.aspx?ID=1854. Féach freisin: Séamus Ó Duilearga, 'Seanchas Phádraig Mhic Meanaman: Ceap sinnsear mhuinntir Mhic Meanaman', Béaloideas 16 (1946), agus cuntas iarbháis Phádraig Uí Mhoghráin san eagrán céanna. Luaitear Mac Meanman mar fhoinse i réamhrá leabhar Thomáis Uí Mháille, An Béal Beo (BÁC, 1936).
Foirm Eolais Phearsanta ('Personalbogen')
Comhlánaíodh foirm eolais phearsanta (‘Personalbogen’) do gach cainteoir ag seisiúin taifeadta Scéim Doegen 1928-31. Is as na foirmeacha sin go príomha atá an t-eolas seo thíos bainte. | Gnéas | Fireann |
|---|---|
| Foirm(eacha) Personalbogen a bhaineann leis an gcainteoir seo (Tagairt Leabharlann an RIA) | Doegen P-B/163 |
| Ceirníní a bhaineann leis an gcainteoir seo | LA 1127, LA 1131 |
| Teidil na rianta a bhaineann leis an gcainteoir seo | Cathach Cholm Cille - Pádraig Mac Meanman Bliain an cheannaí - Pádraig Mac Meanman |
| Rian(ta) a bhaineann leis an gcainteoir seo (Leagan Úsáideora) | LA_1127d1, LA_1131g1 |
| Céadainm (Canónta) | Pádraig |
| Sloinne (Canónta) | Mac Meanman |
| Leagan(acha) eile den chéadainm | PádhraicPatrick |
| Leagan(acha) eile den sloinne |
|
| Contae dúchais | Co. Mhaigh Eo |
| Seoladh | An Cloigeann, Baile Chruaich, Co. Mhaigh Eo |
| Aois | 75 |
| Dáta breithe | Níl faisnéis ar fáil. |
| Áit bhreithe | An Cloigeann, Baile Chruaich, Co. Mhaigh Eo |
| Baile mór is gaire don áit bhreithe | Baile Uí Fhiacháin, Co. Mhaigh Eo |
| Áit(eanna) ina raibh cónaí air/uirthi ó aois 0-6 | An Cloigeann, Co. Mhaigh Eo |
| Áit(eanna) ina raibh cónaí air/uirthi ó aois 7-20 | An Cloigeann, Co. Mhaigh Eo |
| Áit(eanna) ina raibh cónaí air/uirthi ó aois 20 | An Cloigeann, Co. Mhaigh Eo |
| Oideachas | Bunscoil, Scoil Náisiúnta Dhroim Ghallach, Co. Mhaigh Eo |
| Áit dúchais an athar | An Cloigeann, Co. Mhaigh Eo |
| Áit dúchais na máthar | An Cloigeann, Co. Mhaigh Eo |
| Slí bheatha an athar | Feirmeoir |
| Náisiúntacht | Éireannach |
| Máthairtheanga | Gaeilge |
| Teangacha eile seachas an Ghaeilge | Béarla |
| In ann léamh? | Tá (Gaeilge agus Béarla) |
| In ann scríobh? | Tá (Béarla amháin) |
| In ann uirlis cheoil a sheinnt? | Níl |
| In ann ceol de chineál nua-aimseartha Eorpach a chanadh/sheinnt? | Níl |
| Reiligiún | Caitliceach |
| Slí bheatha | Feirmeoir |
| Ainmneacha ar an bhfoirm (e.g. baill d'fhochoiste an RIA) | Tomás Ó Máille |
| Ráitis mar gheall ar urlabhra an chainteora srl. | Níl faisnéis ar fáil. |
