Tras-scríbhinn

In ainm an Athar agus an Mhic agus an Spiorad Naomh. Amen.

Ár nAthair atá ar neamh,
Go naomhaíthear t'ainm.
Go (dtagas do) ríocht.
Go ndéantar do thoil
Ar an dtalamh mar a níthear ar neamh.
Ár n-arán laethúil tabhair dhúinn inniubh.
Maith dhúinn ár gcionta
Mar a mhaithimidne dho chách (...) inár n-aghaidh.
Agus ná leog sinn i gcathú,
Ach saor sinn ós geach n-olc.
Amen.

**********

Go mbeannaíthear duit, a Mhuire,
'Tá lán do ghrásta.
Tá an Tiarna i t'fhochair.
Agus beannaithe tú idir mh... tú idir mhnáibh,
Agus is beannaithe toradh do bhroinne, Íosa.
NaomhMhuire, a Mháthair Dé,
Guigh orainn, na peacaigh,
Anois agus ar uair ár mbáis.
Amen.

Tráchtaireacht

Is le haghaidh anailís foghraíochta go príomha a rinneadh an taifeadadh seo de Phaidir an Tiarna agus den Áivé Máiria á rá. Tá cúig shampla den dá phaidir seo i mbailiúchán Doegen. Tá stair fhoclaíocht Phaidir an Tiarna sa Ghaeilge rianta i sraith de thrí alt le Cathal G. Ó Háinle: 'The Pater noster in Irish: the pre-Reformation period', Celtica 21 (1990), 470-88; 'The Pater Noster in Irish: Reformation texts to c. 1650', Celtica 22 (1991), 145-64; 'An Phaidir: Ó Maolchonaire agus Ó hEodhasa', Celtica 24 (2003), 239-51. Don Áivé Máiria féach Cathal Ó Háinle, 'Stair an Áivé Máiria sa Ghaeilge anuas go dtí circa 1900', Béaloideas 79 (2011), 113-134.