Tras-scríbhinn

Cloisim le spás beag go bhfuil an ráfal so fíor,
Ar an dtaobh thoir do Dhóinneach go bhfuil ceol ann is (spraoi)[1],
Tá buachaillín óg ann go bhfuil eolgaiseach (binn)
Is é ag cailliúint a shláinte i ndiaidh Máire an Chúil Bhuí.

Nuair a ghabhaimse na cóngair trí Dhóinneach anonn
Is dóigh liom gach neomat mo stór do chím chugham,
Do bhfearr liom bheith báite nó tráite sa toinn
Nuair ná faighim in aon áit romham mo Mháire an Chúil Bhuí.

Aistriúchán

I hear for a while now that this chatter is true,
That there is music and sport on the east side of Dóinneach,
There's a young boy there who is learned and sweet(?)
And he is losing his health after golden-haired Mary.

When I head over on the way through Dóinneach
Every minute I think I see my beloved coming towards me,
I would rather be drowned or going out with the wave
When I don't find my golden-haired Mary anywhere before me.

Fonótaí

Tráchtaireacht

Tá an t-amhrán grá seo le fáil in Breandán 'ac Gearailt, An blas Muimhneach II (Binn Éadair, 2010), 355-6. Dar le Mac Gearailt, ba é Murtí Learraí Ó Súilleabháin, siúinéir i nDóinneach, a chum é. D'oibrigh Máire an Chúil Bhuí, an bhean atá luaite san amhrán, i dteach tábhairne ar an mbaile agus bhí le titim amach go bpósfadh sí Seán Ó Síocháin, Cuas na gCoileach, níos déanaí agus go gcuirfeadh sí fúithi ar an Neidín, contae Chiarraí. Is ionann na véarsaí a chastar ar an taifeadadh seo agus an chéad agus an ceathrú véarsa sa leagan a d'fhoilsigh Mac Gearailt, leagan a raibh deich véarsa ann. Níor cheart é a mheascadh leis an amhrán 'Máire Dheas na Gruaige Báine' (Énrí Ó Muirgheasa, Dhá chéad de cheoltaibh Uladh (BÁC, 1934), 70) nó 'Máire An Chúil Óir Bhuí', a chasann Maighréad Ní Dhomhnaill ar Mairéad Ní Dhomhnaill (Gael-Linn, 1976).