Tras-scríbhinn

Gheobhair é, gheobhair é, a chailín,
Gheobhair é, a chailín, gheobhair,
Gheobhair é, gheobhair é, a chailín,
Lán do cheaintín d'ór.

Ó ró ró, mo chailín,
Cara mo chroí, mo chailín,
Ó ró ró, mo chailín,
Mo rún[1] is mo mhíle stór.

Aistriúchán

You will get it, you will get it, girl,
You will get it, girl, you will,
You will get it, you will get it, girl,
A canteen full of gold.

Oh ro ro, my girl,
My dear friend, my girl,
Oh ro ro, my girl,
My darling and my dearest love.

Fonótaí

Tráchtaireacht

D'fhoilsigh Fionán Mac Coluim 'Gheobhair, Gheobhair, a Chailín' in Duanaireacht do leanbhaíbh (BÁC, 1914), 31, agus i mbailiúchán amhrán do pháistí dar teideal Cosa buidhe árda do’n aos óg cuid a haon (BÁC, 1916), 10. Tá nodaireacht sólfá tonach den fhonn ar chúl Cosa buidhe árda mar a dtugann Mac Coluim le fios gurb é fonn 'An Smachdaoin Crón' nó 'The Heather Glen' atá le húsáid. Tá sé le fáil freisin in eagrán méadaithe le Fionán Mac Coluim agus Pádraig Pléimionn dar teideal Cosa buidhe árda: cuid a haon (BÁC, 1922), 36. Tá Mac Coluim le cloisteáil ag casadh an chéad véarsa agus an churfá ar an taifeadadh seo. Chóirigh Carl Hardebeck an t-amhrán don phianó agus don ghuth i mbailiúchán rann do pháistí dar teideal Amhráiníní do’n aos óg gléasta i gcóir piano (Corcaigh, 1930), 6. Luann Hardebeck Mac Coluim mar fhoinse don aon amhrán déag atá ina leabhar.