Tras-scríbhinn

Tá dá[1] ghabhar is mionnán agam
Tá dá ghabhar is mionnán agam
Tá dá ghabhar is mionnán agam
Is pocán ceannann buí.

Tairse abhaile, a bháibín ó,
Tairse abhaile, a bháibín ó,
Tairse abhaile, a bháibín ó,
A bháibín ó mo chroí.

Aistriúchán

I have two goats and a kid
I have two goats and a kid
I have two goats and a kid
And a white-faced yellow he-goat.

Come home, little baby oh,
Come home, little baby oh,
Come home, little baby oh,
Little baby oh my darling.

Fonótaí

Tráchtaireacht

Faoin ainm cleite 'Finghin na Leamhna' d'fhoilsigh Fionán Mac Coluim trí véarsa den amhrán seo, gan churfá, faoin teideal 'Tá Dhá Ghabhar 's Mionnán Agam' in Duanaireacht do leanbhaíbh (BÁC, 1914), 33-4. D'fhoilsigh sé freisin é faoin teideal 'Tair-se 'Bhaile a Bháibín Ó' in Cosa buidhe árda do’n aos óg cuid a haon (BÁC, 1916), 5. Tá sé ar fáil mar 'Tar a Bhaile, A Bháibín Ó' in Fionán Mac Coluim agus Pádraig Pléimionn, Cosa buidhe árda: cuid a haon (eagrán méadaithe, BÁC, 1922), 10-11, áit a dtugtar seacht véarsa mar aon leis an bhfonn i nodaireacht sólfá tonach. Casann Mac Coluim an chéad véarsa agus an curfá ar an taifeadadh seo. Rinne Carl Hardebeck cóiriú ar an amhrán i gcomhair pianó agus gutha le cur isteach i mbailiúchán de rainn do pháistí dar teideal Amhráiníní do’n aos óg gléasta i gcóir piano (Corcaigh, 1930), 8. Luann Hardebeck Mac Coluim mar fhoinse don aon amhrán déag atá sa leabhar. Leagtar leagan Hardebeck ar an bhfonn 'An Chóisir'. Seinneann ceoltóirí uirlise in iarthar Chiarraí an fonn go minic mar shleamhnán dar teideal 'An Chóisir'. Is féidir gabháil de a chloisteáil, mar shampla, ar Séamus Begley agus Steve Cooney, Meitheal (Hummingbird Productions, 1996).