Ó Conaill, Seán
Tue, 11/29/2011 - 15:40 | by Eoghan
Seán Ó Conaill (le caoinchead Chnuasach Bhéaloideas Éireann, An Coláiste Ollscoile, BÁC)
Seán Ó Conaill (le caoinchead Chnuasach Bhéaloideas Éireann, An Coláiste Ollscoile, BÁC)
Comhlánaíodh foirm eolais phearsanta (‘Personalbogen’) do gach cainteoir ag seisiúin taifeadta Scéim Doegen 1928-31. Is as na foirmeacha sin go príomha atá an t-eolas seo thíos bainte.
Grianghraif
Seán Ó Conaill (le caoinchead Chnuasach Bhéaloideas Éireann, An Coláiste Ollscoile, BÁC)
Seán Ó Conaill (le caoinchead Chnuasach Bhéaloideas Éireann, An Coláiste Ollscoile, BÁC)
Nóta beathaisnéise
Ó Conaill (Connell), Seán (John, John D, Seán Dhónaill Mhuiris) (1853-1931): I gCill Rialaigh, gar do Bhaile an Sceilg, contae Chiarraí, a rugadh é ar an 21 Eanáir 1853, dar le Séamas Ó Duilearga. Ní bhfuair sé aon scolaíocht riamh, agus níor labhair sé focal Béarla. B'fheirmeoir a athair, Dónall. Le linn dhaonáirimh 1901 [http://www.census.nationalarchives.ie/reels/nai000856811/] agus 1911 [http://www.census.nationalarchives.ie/reels/nai002472047/], bhí Seán ina chónaí i gCill Rialaigh lena theaghlach. B'fheirmeoir é. Níor thaistil sé níos faide ó bhaile ná Cill Orglan riamh. Phós sé Cáit Ní Chorráin as paróiste na Dromad in 1882. Bhí seisear mac agus ceathrar iníonacha acu. De réir dhaonáireamh 1911, níor mhair ach seisear dá bpáistí. Fuair Seán bás ar an 21 Bealtaine 1931, agus cuireadh é i Mainistir Mhichíl i mBaile an Sceilg. Don ábhar béaloidis a bailíodh uaidh féach Risteárd de hAe, Clár Litridheacht na Nua-Ghaedhilge (BÁC, 1938-40), innéacs. Tá ábhar a bailíodh uaidh ar fáil i gCnuasach Bhéaloideas Éireann (COBÁC) chomh maith. Tá cuid mhaith eolais faoi Sheán Ó Conaill cruinnithe ar an suíomh Ainm.ie ag http://www.ainm.ie/Bio.aspx?ID=499. Tá breis eolais faoina bheatha ar fáil in Séamus Ó Duilearga, 'In memoriam Seán Ó Conaill, seanchuí (1853-1931)', Béaloideas (Meitheamh, 1931). Féach chomh maith Séamus Ó Duilearga, Leabhar Sheáin Í Chonaill (BÁC, 1948). Tá an saothar seo aistrithe go Béarla ag Máire MacNeill, faoin teideal Seán Ó Conaill’s book: stories and traditions from Iveragh (BÁC, 1981).
Foirm Eolais Phearsanta ('Personalbogen')
Comhlánaíodh foirm eolais phearsanta (‘Personalbogen’) do gach cainteoir ag seisiúin taifeadta Scéim Doegen 1928-31. Is as na foirmeacha sin go príomha atá an t-eolas seo thíos bainte. | Gnéas | Fireann |
|---|---|
| Foirm(eacha) Personalbogen a bhaineann leis an gcainteoir seo (Tagairt Leabharlann an RIA) | Doegen P-B/39, Doegen P-B/40, Doegen P-B/41 |
| Ceirníní a bhaineann leis an gcainteoir seo | LA 1069, LA 1070, LA 1071 |
| Teidil na rianta a bhaineann leis an gcainteoir seo | Síoman na mbróg (cuid 1) - Seán Ó Conaill Síoman na mbróg (cuid 2) - Seán Ó Conaill An tÁivé Máiria - Seán Ó Conaill Sagart Ghleanna Beithe - Seán Ó Conaill Rann le Tomás Rua Ó Súilleabháin - Seán Ó Conaill |
| Rian(ta) a bhaineann leis an gcainteoir seo (Leagan Úsáideora) | LA_1069d1, LA_1070d1, LA_1070d2, LA_1071d1, LA_1071d2 |
| Céadainm (Canónta) | Seán |
| Sloinne (Canónta) | Ó Conaill |
| Leagan(acha) eile den chéadainm | Níl faisnéis ar fáil. |
| Leagan(acha) eile den sloinne | Níl faisnéis ar fáil. |
| Contae dúchais | Co. Chiarraí |
| Seoladh | Baile an Sceilg, Co. Chiarraí |
| Aois | 75.5 |
| Dáta breithe | Níl faisnéis ar fáil. |
| Áit bhreithe | Baile an Sceilg, Co. Chiarraí |
| Baile mór is gaire don áit bhreithe | Cathair Saidhbhín, Co. Chiarraí |
| Áit(eanna) ina raibh cónaí air/uirthi ó aois 0-6 | Baile an Sceilg, Co. Chiarraí |
| Áit(eanna) ina raibh cónaí air/uirthi ó aois 7-20 | Baile an Sceilg, Co. Chiarraí |
| Áit(eanna) ina raibh cónaí air/uirthi ó aois 20 | Baile an Sceilg, Co. Chiarraí |
| Oideachas | Ní bhfuair aon scolaíocht. |
| Áit dúchais an athar | Baile an Sceilg, Co. Chiarraí |
| Áit dúchais na máthar | Baile an Sceilg, Co. Chiarraí |
| Slí bheatha an athar | Feirmeoir |
| Náisiúntacht | Éireannach |
| Máthairtheanga | Gaeilge |
| Teangacha eile seachas an Ghaeilge | Níl aon teanga eile aige. |
| In ann léamh? | Níl |
| In ann scríobh? | Níl |
| In ann uirlis cheoil a sheinnt? | Níl |
| In ann ceol de chineál nua-aimseartha Eorpach a chanadh/sheinnt? | Níl |
| Reiligiún | Caitliceach |
| Slí bheatha | Feirmeoir |
| Ainmneacha ar an bhfoirm (e.g. baill d'fhochoiste an RIA) | Osborn Bergin, Wilhelm Doegen, Tomás Ó Rathile |
| Ráitis mar gheall ar urlabhra an chainteora srl. | "mh/ha mit dunkl[em] weich[em] Einschlag, geringe stimmlose Konsonanz, nasalierend, mittlere Stimmkraft." (Wilhelm Doegen) |
