Ó Sé, Pádraig
Tue, 11/29/2011 - 15:39 | by Eoghan
Comhlánaíodh foirm eolais phearsanta (‘Personalbogen’) do gach cainteoir ag seisiúin taifeadta Scéim Doegen 1928-31. Is as na foirmeacha sin go príomha atá an t-eolas seo thíos bainte.
Nóta beathaisnéise
Ó Sé (Shea), Pádraig (Patrick) (c.1873-?): In Dhá Dhrom, Béarra, contae Chorcaí, a rugadh Pádraig Ó Sé, timpeall na bliana 1873. Chuaigh sé ar an mbunscoil i gCollrus, gar do Dhá Dhrom. B'fheirmeoir a athair, agus b'fheirmeoir é féin chomh maith. Chaith sé deich mbliana i Meiriceá agus é ina dhuine fásta (c. 1896-1906), agus ansin d'fhill sé abhaile go Dhá Dhrom. Chomh maith lena leagan de Pharabal an Mhic Dhrabhlásaigh (atá le fáil ar an suíomh seo thar dhá rian), thaifead Doegen cúpla amhrán le Diarmaid ó Sé na Bolgaí (féach http://www.ainm.ie/Bio.aspx?ID=1225) uaidh, mar aon le píosa dar theideal ‘Tráthnóinín Déanach’; ní mhaireann siad seo, áfach, toisc gur briseadh an mhaitrís chéarach ar an mbealach go Beirlín agus níor táirgeadh aon cheirnín seileaic.
Foirm Eolais Phearsanta ('Personalbogen')
Comhlánaíodh foirm eolais phearsanta (‘Personalbogen’) do gach cainteoir ag seisiúin taifeadta Scéim Doegen 1928-31. Is as na foirmeacha sin go príomha atá an t-eolas seo thíos bainte. | Gnéas | Fireann |
|---|---|
| Foirm(eacha) Personalbogen a bhaineann leis an gcainteoir seo (Tagairt Leabharlann an RIA) | Doegen P-B/45, Doegen P-B/46 |
| Ceirníní a bhaineann leis an gcainteoir seo | LA 1075, LA 1076 |
| Teidil na rianta a bhaineann leis an gcainteoir seo | An mac scaiptheach (cuid 1) - Pádraig Ó Sé An mac scaiptheach (cuid 2) - Pádraig Ó Sé |
| Rian(ta) a bhaineann leis an gcainteoir seo (Leagan Úsáideora) | LA_1075d1, LA_1075d2 |
| Céadainm (Canónta) | Pádraig |
| Sloinne (Canónta) | Ó Sé |
| Leagan(acha) eile den chéadainm | Patrick |
| Leagan(acha) eile den sloinne |
|
| Contae dúchais | Co. Chorcaí |
| Seoladh | Dhá Dhrom, Béarra, Co. Chorcaí |
| Aois | 55 |
| Dáta breithe | Níl faisnéis ar fáil. |
| Áit bhreithe | Dhá Dhrom, Co. Chorcaí |
| Baile mór is gaire don áit bhreithe | Baile Chaisleáin Bhéarra, Co. Chorcaí |
| Áit(eanna) ina raibh cónaí air/uirthi ó aois 0-6 | Dhá Dhrom, Co. Chorcaí |
| Áit(eanna) ina raibh cónaí air/uirthi ó aois 7-20 | Dhá Dhrom, Co. Chorcaí |
| Áit(eanna) ina raibh cónaí air/uirthi ó aois 20 | I Meiriceá ar feadh 10 mbliana (ó aois a 23); an chuid eile in Dhá Dhrom, Co. Chorcaí. |
| Oideachas | Bunscoil, Calarus (?), gar do Dhá Dhrom, Co. Chorcaí |
| Áit dúchais an athar | Dhá Dhrom, Co. Chorcaí |
| Áit dúchais na máthar | Dhá Dhrom, Co. Chorcaí |
| Slí bheatha an athar | Feirmeoir |
| Náisiúntacht | Éireannach |
| Máthairtheanga | Gaeilge |
| Teangacha eile seachas an Ghaeilge | Béarla |
| In ann léamh? | Tá (Béarla) |
| In ann scríobh? | Tá (Béarla) |
| In ann uirlis cheoil a sheinnt? | Níl |
| In ann ceol de chineál nua-aimseartha Eorpach a chanadh/sheinnt? | Níl |
| Reiligiún | Caitliceach |
| Slí bheatha | Feirmeoir |
| Ainmneacha ar an bhfoirm (e.g. baill d'fhochoiste an RIA) | Osborn Bergin, Wilhelm Doegen, Tomás Ó Rathile |
| Ráitis mar gheall ar urlabhra an chainteora srl. | "he/ha mit weich[em] klingenden Einschlag gering nasalierend, mittlere Stimmkraft, geringe stimmlose Konsonanz. BeimSingen kräftig nasalierend." (Wilhelm Doegen) |
