Ó Céilleachair, Domhnall
Tue, 11/29/2011 - 15:40 | by Eoghan
Domhnall Ó Céilleachair agus a iníon, Nonie Bán, Nonie (Nóra) Ní Chéilleachair (le caoinchead Chnuasach Bhéaloideas Éireann, An Coláiste Ollscoile, BÁC)
Comhlánaíodh foirm eolais phearsanta (‘Personalbogen’) do gach cainteoir ag seisiúin taifeadta Scéim Doegen 1928-31. Is as na foirmeacha sin go príomha atá an t-eolas seo thíos bainte.
Grianghraif
Domhnall Ó Céilleachair agus a iníon, Nonie Bán, Nonie (Nóra) Ní Chéilleachair (le caoinchead Chnuasach Bhéaloideas Éireann, An Coláiste Ollscoile, BÁC)
Nóta beathaisnéise
Ó Céilleachair (Ó Céileachair, Kelleher), Domhnall (Dónal, Dónall Bán, Daniel) (1871-1950): I gCúil Aodha, contae Chorcaí, a rugadh é ar an gcéad lá de mhí na Samhna 1871, agus is ansin a bhí sé ina chónaí lena theaghlach le linn dhaonáirimh 1901 [http://www.census.nationalarchives.ie/reels/nai000546874/] agus 1911 [http://www.census.nationalarchives.ie/reels/nai001972983/]. Pádraig Ó Céilleachair (Patrick Kelleher) ab ainm dá athair, agus ba í Nóra Ní Loingsigh (Hanora Kelleher) a mháthair, agus bhí seachtar déag clainne acu. Níor fhan ach triúr de na páistí in Éirinn agus iad fásta, agus is é Domhnall a tháinig in oidhreacht ar fheirm a athar. Chuaigh Domhnall ar scoil i gCúil Aodha. Agus é fásta d'fhreastail sé ar scoil oíche ann freisin. Phós sé Siobhán Ní Mhulláin as Screathan na nGamhann i 1908. Bhí ceathrar mac agus beirt iníonacha acu. Duine dá mhic ab ea an scríbhneoir Donncha Ó Céileachair. Fuair Domhnall bás ar Lá 'le Bríde 1950. Tá ábhar béaloidis a bailíodh uaidh ar fáil i gCnuasach Bhéaloideas Éireann (COBÁC). Tá breis eolais faoi ina dhírbheathaisnéis, Scéal Mo Bheatha (BÁC, 1940 [1941]). Tá plaic i gcuimhne Dhomhnaill Bháin ar an teach inar tógadh é sa Mhuirneach Beag, a bhaile fearainn dúchais.
Foirm Eolais Phearsanta ('Personalbogen')
Comhlánaíodh foirm eolais phearsanta (‘Personalbogen’) do gach cainteoir ag seisiúin taifeadta Scéim Doegen 1928-31. Is as na foirmeacha sin go príomha atá an t-eolas seo thíos bainte. | Gnéas | Fireann |
|---|---|
| Foirm(eacha) Personalbogen a bhaineann leis an gcainteoir seo (Tagairt Leabharlann an RIA) | Doegen P-B/5, Doegen P-B/6 |
| Ceirníní a bhaineann leis an gcainteoir seo | LA 1035, LA 1036 |
| Teidil na rianta a bhaineann leis an gcainteoir seo | An mac scaiptheach - Domhnall Ó Céilleachair Uimhreacha - Domhnall Ó Céilleachair An feirmeoir agus an buachaill - Domhnall Ó Céilleachair An feirmeoir agus an bacach; laethanta na seachtaine; focail - Domhnall Ó Céilleachair An feirmeoir agus an buachaill (cuid 1) - Domhnall Ó Céilleachair |
| Rian(ta) a bhaineann leis an gcainteoir seo (Leagan Úsáideora) | LA_1035d1, LA_1035d2, LA_1036d1, LA_1036d2, LA_1036d3, LA_1036d4_ |
| Céadainm (Canónta) | Domhnall |
| Sloinne (Canónta) | Ó Céilleachair |
| Leagan(acha) eile den chéadainm | Dónal |
| Leagan(acha) eile den sloinne |
|
| Contae dúchais | Co. Chorcaí |
| Seoladh | Cúil Aodha, Baile Bhuirne, Co. Chorcaí |
| Aois | 56 |
| Dáta breithe | 1871-11-01 |
| Áit bhreithe | Cúil Aodha, Co. Chorcaí |
| Baile mór is gaire don áit bhreithe | Maigh Chromtha, Co. Chorcaí |
| Áit(eanna) ina raibh cónaí air/uirthi ó aois 0-6 | Cúil Aodha, Co. Chorcaí |
| Áit(eanna) ina raibh cónaí air/uirthi ó aois 7-20 | Cúil Aodha, Co. Chorcaí |
| Áit(eanna) ina raibh cónaí air/uirthi ó aois 20 | Cúil Aodha, Co. Chorcaí |
| Oideachas | Bunscoil, Cúil Aodha, Co. Chorcaí |
| Áit dúchais an athar | Cúil Aodha, Co. Chorcaí |
| Áit dúchais na máthar | Cúil Aodha, Co. Chorcaí |
| Slí bheatha an athar | Feirmeoir |
| Náisiúntacht | Éireannach |
| Máthairtheanga | Gaeilge |
| Teangacha eile seachas an Ghaeilge | Béarla |
| In ann léamh? | Tá (Gaeilge agus Béarla) |
| In ann scríobh? | Tá (Gaeilge agus Béarla) |
| In ann uirlis cheoil a sheinnt? | Níl |
| In ann ceol de chineál nua-aimseartha Eorpach a chanadh/sheinnt? | Níl |
| Reiligiún | Caitliceach |
| Slí bheatha | Feirmeoir |
| Ainmneacha ar an bhfoirm (e.g. baill d'fhochoiste an RIA) | Osborn Bergin, Tadhg Ó Donnchadha, Wilhelm Doegen |
| Ráitis mar gheall ar urlabhra an chainteora srl. | Níl faisnéis ar fáil. |
